ИЗВЕСТУВАЊЕ ЗА ПРЕДВРЕМЕНА ИСПЛАТА НА ПЕНЗИИ
Согласно моменталните случувања со пандемијата на Корона вирусот, со цел да излезе во пресрет на потребите на своите клиенти - пензионери, НЛБ Банка ќе ги исплати пензиите на 29 – ти март (понеделник).
Во насока на поголема заштита, подобра организираност и намалување на гужвите во експозитурите, од 29 – ти март пензионерите ќе можат да ја подигнат својата пензија на банкоматите на НЛБ Банка во секое време, додека во експозитурите на НЛБ Банка пензиите ќе можат да се подигнат согласно определен редослед.
Распоредот за подигнување на пензиите во експозитурите e во периодот од 29 – ти март до 1 – ви април и истиот е креиран согласно висината на пензијата и тоа :
- 29 - ти март (понеделник) 2021 година, пензии со висина до 11.000 денари
- 30 - ти март (вторник) 2021 година, пензии со висина 11.001-14.000 денари
- 31 - ви март (среда) 2021 година, пензии со висина 14.001-18.000 денари
- 01- ви април (четврток) 2021 година, пензии со висина над 18.001 денари
Со цел заштита на здравјетo, апелираме до клиентите – пензионери да не подигнуваат готовина и средствата првенствено да ги користат безготовински, за плаќања во продажната мрежа или преку електронско и мобилно банкарство.
Доколку клиентите имаат потреба од готовина, препорачуваме исплатата да се изврши на банкомат, каде средствата ќе бидат достапни од 29.03 – понеделник и истите ќе може да се подигнат во секое време, независно од дефинираниот распоред.
Ве молиме почитувајте ги превентивните мерки, носете заштитна маска, чекајте ред на обележаните места и држете растојание од 2 метри со останатите клиенти и вработените во НЛБ Банка.