NLB pay е мобилна апликација на Банката која на корисниците им овозоможува увид во своите платежни картички од програмата на Visa и Master Card и дигитализација на НЛБ платежните картички во Google Wallet. Исто така имате можност да  ги дигитализирате и употребувате сите Ваши картички за лојалност.

• Активирањето на апликацијата, дигитализацијата на картичките и користењето на NLB Pay мобилниот паричник е бесплатно! 
• Можност за дигитализација на сите Ваши картички за лојалност, вклучително и картичките за лојалност од локалните продажни места
• Детален приказ на податоците за картичките
• Можност за именување на Вашите картички
• Можност за промена на главната картичка за плаќање во секое време
• Приказ на состојбата на Вашата сметка
• Едноставен процес на дигитализација на Вашите картички без дополнителни чекори
• Приказ на сите направени трансакции со картичките во оргинална валута
• Прикажување на ПИН кодот на картичката
• Можност за дигитализација на Вашите НЛБ Платежни картички во Google pay преку NLB Pay

NLB Pay е мобилна апликација на Банката која на корисниците им овозоможува увид во своите платежни картички. Оваа апликација е достапна на Play Store. За да истата може да се активира потребно е корисникот да има барем една активна платежна картичка издадена во НЛБ Банка. По превземањето на платежната картичка од Банка, односно по нејзино врачување, корисникот потребно е да изврши активација на картичката.

Како да активирам NLB Pay?

1. Започни со активација
2. Избор на јазик
3. Прифаќање на Општи правила и услови за користење на услугата “NLB Pay Македонија”
4. Внес на ЕМБГ и телефонски број на корисникот кој е пријавен во Банката.
5. Внесување на еднократната лозинка добиена преку СМС порака на телефонскиот број кој корисникот го има за себе во банка
6. Регистрацијата продолжува со избор на една од платежните картички кои корисникот ги има активни во системот на Банката и внес на картичниот ПИН за истата
7. Дефинирање своја лична 4 цифрена лозинка
8. Избор за најава со биометрија, ако оваа опција е поддржана на уредот
9. По успешната автентикација корисникот има можност за пристап до преглед до сите картични продукти кои ги има во Банката

Потребно е корисникот да ги ОВОЗМОЖИ платежните картички со ПИН кодот за секоја платежна картичка поединечно за преглед и увид на сите предности кои ги нуди NLB Pay апликацијата како: прикажувањето на ПИН кодот на платежната картичката, увид на направени трансакции со платежните картички во оргинална валута, состојба на сметка, детален приказ на податоците за платежните картички, како и можноста за дигитализирање на НЛБ Платежни картички во Google Pay.

• Изберете го делот за лојалност во NLB Pay апликацијата
• Сликајте ја картичката за лојалност и поставете ја во рамката
• Сликајте го бар кодот на картичката за лојалност (сликањето на бар кодот започнува со избирање на знакот – ) или рачно внесете ги податоците за бар кодот
• Внесете ги опционалните податоци за имател на картичката за лојалност, трговецот кој ја издал и внесете опис на картичката за полесно препознавање.
• По успешното додавање на картичката за лојалност, за да се користи истата, потребно е само да се најавите во аплиакцијата, да ја изберете картичката за лојалност и да му ја покажете на трговецот за скенирање на бар кодот