НЛБ Банка информира дека, во рамките на вториот по ред „Инвеститорски ден“ во организација на Македонската Берза кој ќе се одржи на 13 септември, ќе им овозможи на своите клиенти - индивидуални инвеститори да тргуваат со акции на Македонската Берза без трансакциски трошоци.

Притоа, потребно е да бидат исполнети следните услови:

•  инвеститорите да склучат нормални трансакции со акции преку БЕСТ системот

•  износот на остварениот дневен промет по индивидуален инвеститор да не изнесува повеќе од 10.000 евра, независно од бројот на берзански трансакции преку кои истиот ќе биде остварен и

•  трансакциите да бидат склучени преку клиентска, односно сопственичка сметка.

„Инвеститорски ден“ има за цел уште поактивно учество на домашните индивидуални инвеститори на македонскиот пазар на хартии од вредност и вложување на населението во акции издадени од домашните компании што се тргуваат на Македонска Берза, како и зголемување на знаењето за овие финансиски инструменти и подобрување на инвестициската култура во нашата држава.