КАРАВАН ЗА ФИНАНСИСКО СОВЕТУВАЊЕ ЗА НЕБАНКАРСКИ ПРОДУКТИ
Од 19-ти мај до 20-ти јуни, ќе биде организиран едномесечниот караван за финансиско советување за небанкарски продукти на НЛБ Банка, во соработка со своите партнери Сава Осигурување, Триглав Осигурување Живот, Кроација Осигурување Живот, НЛБ Фондови и Сава Пензиско Друштво.
Караванот има за цел да им овозможи на клиентите подобра информираност, советување и едукација за осигурителните продукти во делот на животно и неживотно осигурување, производи за инвестициско осигурување на живот и удели во инвестициски фондови, како и да ја зголеми свесноста кај клиентите за значењето на капиталното финансирано пензиско осигурување и придобивките од доброволниот пензиски фонд.
За времетраењето на караванот, во експозитурите на НЛБ Банка низ земјава, претставници на Банката и осигурителните компании ќе давааат стручни финансиски совети и информативни материјали, овозможувајќи им на сите заинтересирани детално да се информираат за небанкарските финансиски продукти кои се нудат преку НЛБ Банка, а воедно да добијат и промотивен подарок.
Локациите и времето на одржување на промотивните активности за време на караванот за финансиско советување може да ги најдете на социјалните мрежи на НЛБ Банка и партнерите. Распоредот на караванот можете да го погледнете ТУКА.