Портфолио менаџмент опфаќа управување со средствата  на клиентот врз основа на однапред дефинирана инвестициона политика согласно профилот на клиентот и неговите потреби. Целта е создавање на портфолио од хартии од вредност кое на долгоречен рок ќе овозможи ефикасна диверзификација на ризикот и остварување на профитните цели на клиентите.

За професионално и успешно извршување на услугите инвестиционо советување и портфолио менаџмент потребно е да се направат квалитетни анализи врз основа на кои ќе се донесат вистинските одлуки. Клучни фактори во постапката за изготвување на квалитетна техничка и фундаментална анализа се користење на точни и релевантни податоци за компаниите и за самите акции.

• Фундаментална анализа. Се врши анализа на финансиските извештаи на компаниите и со помош на соодветени методи на вреднување се добиваат пресметки за клучни показатели врз основа на кои се проценува работењето на компанијата.
• Техничка анализа. Оваа анализа не ги зема во предвид финансиските перформанси на компанијата, туку се базира на историските движења на цената на акцијата и истргуваната количина, при што истата има за цел да помогне во утврдувањето на вистинскиот момент за купување или продавање на одредена хартија од вредност.