Штедиме и правиме добри дела !

Ликовен конкурс за деца на тема: „Штедиме и правиме добри дела“

Во рамките на „НЛБ Месецот на штедење” НЛБ Банка организира акција за цртање на тема „Штедиме и правиме добри дела”. Овие активности се наменети за сите деца на возраст од 5 до 15 години во Република Северна Македонија.

Целта на кампањата е да се едуцираат децата за штедењето, но и да се научат што значи добро дело и да им се развие свеста за тоа колку е важно да се помага. 

Кампањата трае во периодот од 25.09.2024 до 25.10.2024 година.

Учество и наградување 

Сите цртежи на темата „Штедиме и правиме добри дела“ во периодот од 25.9.2024 до 25.10.2024 потребно е да се прикачат на веб страницата: https://stedenje.nlb.mk  каде што ќе има можност да се гласа. 

Најдобрите цртежи ќе бидат избрани по пат на гласање преку веб страницата https://stedenje.nlb.mk и од страна на комисијата составена од реномирани македонски уметници. 

Наградени ќе бидат вкупно 30 цртежи со штедна книшка со штеден влог од 3.000 денари, односно 10 цртежи со најголем број на гласови собрани преку веб страницата https://stedenje.nlb.mk и 20 цртежи со најголем број на гласови од страна на комисијата составена од реномирани македонски уметници.

Погледнете ги општите правила за учество тука

Хуманитарен предизвик за училиштата на тема: „Правиме добри дела“

Во рамките на „НЛБ Месецот на штедење” НЛБ Банка организира акција за училиштата на тема „Правиме добри дела”. 

Имено, училиштата кои ќе земат учество во предизвикот и ќе направат добро дело (донација на облека или играчки, учество во подготовка на храна за дневни центри, посета на дом за стари лица, или слично) потребно е да испратат документирани информации и фотографии од нивните добри дела на humanitarenpredizvik@nlb.mk најдоцна до 25.10.2024.

Сите училишта кои ќе учествуваат во овој предизвик ќе добијат сет подарок за училиштето.